--------------------------------------------------------------------------------
السلام عليكم....كيفكم وشخبااااركم
سوالف البنات في الطابور
إحم بسم الله نبدأ
البداية مع التفتيش :
? ليش مريولك موديله كنه فستان عرس ؟ أبله هذا ستايلي ..
? ليش حاطة عدسات زرق ؟ أبلة هذي عيوني.. امي اوروبية .
? ليش كل هذا الكحل ؟ أبلة عيوني مكحلة طبيعي.. .
ليش المناكير ؟ أبلة هذا حنة سوداني مو مناكير .
? ليش ما ترددين تحية العلم ؟ أبلة حلقي تعورني .>> ههههه ومن الجهة الثانية صوتها و سوالفها واصلة لآخر صف ..
ليش تسولفين بدل ما تستفيدي من الإذاعة ؟ أبلة مو انا بس كل الصف ..بعدين الإذاعة مكررة هي
وفقرة هل تعلم السخيفة
ليش كل هذا المكياج ؟ أبلة امس كان عرس ولد عمي للفجر .ومالقيت وقت عشان أشيله ....!!
و طبعا اذ هي بنت رقيقة تصيح .. واذ بنت دفشة بكرة تجيب القبيلة كلها تشتكي .لوووووووول
وما ننسى حركة التنقلات المستمرة .. مثلاً فلانه الدبة لما كانت بالثانوية كل يوم تتنقل طابور غير
حتى يمكن طابورها ما تدلة.نمر للبنات اللي مبققات عيونهم على الأبلات ..
وين أبله سيتوبلازم ؟واقفة جنب العمود أكيد غايبة اوكي الحصة الأولى فاضيين . يا سلااااااام
وين أبله"قد اعذر من انذر ؟ هذي عندها مناعة طبيعية ماتمرض عشان تغيب هي و ربيعتها نو
بودي...
? وين أبله الحجم العائلي ؟ اوف بعد جاية .. لا وتشوف علي كمان شافها ملك الموت " عزرائيل "
اليوم قولو آمين
? شوفوا معلمة عطيات تنورتها تحفة .. خيالية.. آخر موضة .....من وين اشترتها ؟
عاد معلمة دراكولا مشترية الدمعة بدل أرنوبها القديم وتتكلم مع زوجها في الطابور لتضمن أكبر عدد
من الناس شافوها ..تنزل اعلان بالجريدة يكون أحسن .
والحين قبل لا نخلص نشوف سوالف الدلوعات :
? أمس رحت عرس جيراننا لبست فستاني الجديد الكشخة التركواز والاكسسوارات اللي توني
مشتريتهم من كليرز وصندل فرساتشي اللي اشترالي إياه أخوي من لندن .. وكل الناس
تشوفني كاني انا العروسة .
? تدرين مع من سولفت أمس بالماسن ؟مع لبناني وحاط صورته يمه يذوب ... شعر اشقر و عيون خضرا .
ونروح للبنات اللي اختصاصهم الحش :
? شفتي فلانة امس فاكة شعرها كنه خرطوم حريق.
? ولا علانة اللي كانت عايشة في ماليزيا اليوم جايه بقميص صوف والحرارة 40 درجةوحدة غبية .
? ولا مجموعة شغالات الصف " هذول اللي يلمون الدفاتر و يجيبون المسجل أو اللوحة للأبلة "
الصباح لقيتهم ينظفون السبورة .. والله ينرحمون . <<< يكسرون الخاطر
و في النهاية تجي معلمة قلم ماشيه و تقول : وين انتوا في سوق سمك ؟ وحنا نقوم نضحك كالعادة ...
الرئيسية 
الخميس نوفمبر 15, 2007 8:40 pm
