" يا عاذلين الهوا "؟؟؟

" يا عاذلين الهوا "

يا عاذلين الهوا خلوه ،،، يلعب بقلبي على كيفه
متحمل الصد و المشروه ،،، منه و لو زاد تعنيفه

ماطاوع القلب لولاموه ،،، المحب يدرا مواليفه
حبي لخلي مهوب مشبوه ،،، و عهد الهوا صعب تحريفه

من كثر شوقي عليه اتوه ،،، و اسري الليالي مع طيفه
لا حل في القلب غيره هو ،،، قلبي مشتاه و مصيفه

لابوح سره و لا اشكوه ،،، و لا اطلب من الظلم تخفيفه
خلوه لو صد بي خلوه ،،، حاكم لقلبي و على كيفه

مشكوره ع الكلــمات الحلوه

تسلم على المرور

لابوح سره و لا اشكوه ،،، و لا اطلب من الظلم تخفيفه
خلوه لو صد بي خلوه ،،، حاكم لقلبي و على كيفه
تسلمين ونتريا ديدج^_^

تسلم الغالي على المرور وما قصرت

تسلمين ختيه وما عليج زووود